പ്രണയാര്‍ബുദം

അകത്തളങ്ങളിലെവിടെയോ ആണ് മുളപൊട്ടിയത്.
'ഊം, അതുതന്നെ, അതുതന്നെ'.
പകല്‍ നിഷേധക്കുറിപ്പിറക്കി,
രാത്രി തലചൊറിഞ്ഞു ചികഞ്ഞു;
എപ്പോഴാണോ, എങ്ങിനെയാണോ?
കിരണചികില്‍സ നോക്കി
ഫലിക്കുന്നില്ല.
വൈകിപ്പോയെന്ന് വൈദ്യന്‍
വന്നുകിട്ടണ്‍ടേയെന്നു ഫലിതം പറഞ്ഞു.
മുള വളര്‍ന്നു, പടര്‍ന്നു
വെളളപുതച്ചുകിടക്കുമെന്നുറപ്പിക്കുവോളം,
ചത്തുമലര്‍ന്നുകിടക്കുമെന്നുറപ്പിക്കുവോളം.