മൂരാച്ചി

ഓര്‍ക്കാപ്പുറത്ത് കേറിവന്നാകെ തണുപ്പിച്ച്
ഓര്‍ത്തെടുക്കാനിടയാക്കാതെ ഭ്രാന്ത്‌ പിടിപ്പിച്ച്
അങ്ങാടിയിലും അടുക്കളയിലും അദൃശ്യയായ്
ആലിംഗനങ്ങളിലൂടെ
എന്നെ കൂടുതല്‍ മനുഷ്യനാക്കി നീ.

പുസ്തകം മടക്കിവെച്ച് നിന്നെ ധ്യാനിച്ച്
ആണ്‍കുട്ടികള്‍ കരയാറില്ല എന്നുറപ്പിച്ച്
ഇടിവെട്ടേറ്റപോലെ,
ആരോ വലിച്ചെറിഞ്ഞ ഒരുകല്ലുപോലെ ഞാന്‍.

പ്രണയം ഒരു ചീത്ത വികാരമാണ്
ഒരു പെററിബൂര്‍ഷ്വായുടെ മൂരാച്ചി വികാരം.