കുമ്പസാരം

തൂങ്ങിച്ചത്തു കൊണ്ടിരുന്നവനെ
കയററുത്താ ശു പത്രിയിലെത്തിച്ചത്
കാരുണ്യം കൊണ്ടായിരുന്നില്ല.

'താൻ  മാത്രം അങ്ങനെയിപ്പൊ രക്ഷപ്പെടേണ്ട'
എന്ന ഞണ്ട്‌ മനോഭാവമായിരുന്നു പ്രസ്തുത
പ്രവൃത്തിക്കു പിന്നിലെ ചേതോവികാരം.

പ്രണയിക്കുന്ന ഒരാള്‍
പൊടുന്നനെ താണ്ടുന്ന
ചില ദൂരങ്ങളുണ്ട്.

ഒരു തരത്തില്‍ പറഞ്ഞാല്‍
പ്രാകൃതത്തില്‍ നിന്ന്
സംസ്കൃതത്തിലേക്കുള്ള
ദൂരമാണത്.

'പണ്ടാരം,  പിന്നേം നേരം
വെളുത്തു' എന്നതില്‍ നിന്നും    
'പ്രഭാതം വശ്യമായി പുഞ്ചിരി
തൂകി സ്വാഗതമരുളി' എന്നതിലേ
ക്കുള്ള ദൂരം.          
      

സാരോപദേശം

ഒട്ടകങ്ങൾക്കും, പെണ്‍കുട്ടികൾക്കും
ഇടം കൊടുക്കരുത്.
കൂടാരമെന്നല്ല, ഹൃദയാകാശം
പോലും തികഞ്ഞെന്നു വരില്ല.

മദ്യം

എന്നെ ഞാനാക്കും,

ഞാനല്ലാതാക്കും,

വേറെ പലരുമാക്കും,

ആരുമല്ലാതാക്കും.